‘O CRIATURE

Quanno nascietti, tanti anni fa,

a Castellammare ‘e Stabbia, in vicolo Mantiello,

pe’ ffa’ onore al Santo Patrono

me chiammarono Catiello.

Correva l’anno millenovecentoquarantuno

ma pareva già arrivato ‘o quarantotto 

ch’aerei alleati  ‘ncielo ropp’allarme

scarrecavano bombe cumm’e botte.

 Sunava all’arme e  fujevamo rint’è rifuggi

carevano ‘e bombe e sparavano ‘e cannuni,

ma a nnuje ca nun sapevamo niente d’a guerra,

nun ce ne futteva niente, povere guaglioni.

Quanno fernette ‘a guerra e pusareno ‘e scuppette,

pentuti, gli alleati, pe’ rispetto a San Catiello

ng’è rignetteno e case e scatolette:

latte condensato, rosbiffo e povere ‘e pesiello.

Quanno tutti abbandunaro ‘o paese

nazzisti, fascisti e americani, 

e povere patri nuosti, pe’ dda’ a mmangià ‘e figli 

jetteno ‘a faticà, cumme ricimmo nuje, ‘a menà ‘e mmani.

 S’arapetteno ‘e scole, se trovarono ‘e mmaeste,

e ccu’ n’ fella ‘e pane tuosto, tosta pure ‘a mollica,

invidiavamo ‘e  colleghi nuosti ra’ campagna 

ca’ purtavano o’ ppane frisco e in più ‘na fica.

Pe’ a via se verevano e femmene nere po’ llutto,

chi aveva perduto in guerra ‘o figlio,  chi ‘o marito, 

chi aveva perduto a casa sott’è bombe,

chi aveva dato pure a fede d’oro p’ò partito.  

Ma stu’ popolo ca’ surgette nata vota

a sotte ‘a cennere, ‘a sott’è lapille,

quanno ‘o Vesuvio se ‘ngazzava manne e Romane,

co’ surore d’à fronte turnave n’ata vota ‘a ffaà faville.

S’arapetteno ‘e cantieri, e terme e l’acqua d’à Madonna,

accummengiavano ‘a zappà  ‘a terra cu’ l’ogne d’è mmane,

se libberarano ‘e prete a dint’ò terreno, s’arrripararano ‘e ccatose,

s’accummingiava a’ semmenà e a raccogliere o ggrano.

A’ matina ‘a ggente se’ scetava  fresca e ccuntenta, 

nun penzava cchiù ‘a guerra, e bombe e a’ violenza,

tutti sostituittero ‘a zappa c’ò moschetto, 

e ppure e’ nemici se strignetteno a mano   cu’ gran clemenza.

Tenevo  dieci anni appena e nun avevo fatto ancora alementare 

ca’ n’à matina e’ notte  ‘ngè  facetteno preparà in un momento, 

e sulo roppa n’ora e’ viaggio ‘ngoppa o’ sciarabballo 

con voce roca me dicetteno : “ Ce ne jammo nel Cilento!”.

‘O GUAGLIUNCIELLO

Quann’arrivammo Agropoli, in Via San Marco, 

il ventuno ottobre del millenovecientocinquantuno,

 spaisato, me pareva e’ stà in terra straniera,

 pecchè nun canuscevo proprio a’ nisciuno.

Subbito o’ juorno roppo,  all’ora ggiusta,

a’ bossa mia, buon’anima, cu’ ‘o culletto janco e ‘o mantesino,

m’accumpagnava  a’ quatto passi r’a casa nosta ,

a’ quinta alimentare, dintà nu’ magazzino.

A’ poco a’ vota accumngiammo a’ capi’ a’ situazione,

o’ bosso mio, pace all’anima sua, faticava juorno e notte,

e col suo lavoro onesto, ch’è sacrifici e tutta a famiglia,

pure nuje, roppo tant’anni e sete, inghemmo a’ votte.

R’ammici oramai me n’ero fatto à cchiorme,

ch’à palla e’ pezza, ch’è stacciale d’è piastrelle,

ngoppa a’ spiaggia d’ò Lido Azzurro e Santu Marco,

annuri  comm’è viermi, cia abbrunzavamo c’à pelle.

A’ scola media se teneve luntano, abbascio a’ Marina,

cu’ dint’à bborsa e cartone, tre llibbri, nu’ quaderno e a penna,

accummingiammo a’ conoscere o’ preside, o’ professore,

o’ bidello, a’ segretaria, o’ preveto e o’ compagno ca’ tentenna…

Tentenna lui, tentenno pure io, tentenna pure un altro,

e molto spesso  senza fa’ o’ bravo guaglione, 

in gruppo nun trasevamo rint’à scola,

ce ne jevemo a Trentova, a ffà o’ bagno, a ffà o’ filone.

Ma tanno eremo guaglioni, funzionavano e cosce,

funzionava   sempe o’ stomaco, ma nò o’ cerviello,  

nun ‘nge ne futteva proprio e’ niente, 

pecchè tanno nun me chiamavano ancora Don Catiello.

 Riceva o’ preveto a’ scola, ch’era peccato mortale, 

“ a ffà filone a’ scola nun è per niente giusto…  

abbisogna fa’ il propio dovero, sgubbà sui libri…”

ma zi’ preveto nun sapeva che a’ ffa’ filone c’era più gusto.

Ma tra filoni, feste, scioperi, vacanze e marachelle,

nu’ bello jurno  mi allontanarono da’ lezione,

pecchè me venette  ‘ngapo  e’ fa nu’ scherzo a’ maesta,

e nge’ mettietti int’ò cassetto  d’a scrivania nu’ zucculone.

Roppo nu’ poco e’ misi decisi e’ nun   ghi’ cchiù a’ scola,

ero fermamente convinto e testardo come un mulo,

ma me cunviggetteno  a turnà dintè bbanche cu’ a forza: 

me cunviggetteno cu’ trenta o quaranta cavece ‘ngulo!

Aviette continuà a’ gghì a’ scola, avietti pure  sturià ,

aviette sgubbà pe’ tre anni interi, ubbidì o’ superiore,

aviette purtà e libbre ‘ngoppa e’ spalle pe’ tre anni, 

p’acchiappà  na’ fetente licenza e’ scola media infiriore!   

‘O  GUAGLIONE

‘O viaggio  fu’  abbrevo quanno passai ‘a scola superiore,  

r’o’ piano e’ sotto ‘nge purtarono  ‘o piano ‘e ‘ngoppa,

pe’ saglì avevo   fatto ddurece scaline,

ma a’ fore o’ balcone a vista d’ò mare era bella troppa.

Nu’ bello juorno s’arrevutava a’ scola, nun se capeva cchiù: 

ra’ Milano era arrivata na’  overamente bella guagliona,

ca nun aveva arrevutato solamente a scola nosta,

ma aveva arrevutato, - tant’era bella – tutt’ò rione.

C’eremo annammurati tutti quanti d’a Milanese, 

ce fu persino chi lle purtava nu’ mazzo e’  rose 

chi invece e s’accattà ‘a colazione ci accattava e ciucculatini, 

ma nisciuno e’ nuje era esperto e chesti ccose! 

Solamente Peppo, ch’era figlio e’ na’ perzona altolocata,

tenette o’ coraggio e l’affruntà, e fa nu’ tuorto a nnuje, o’ screanzato,

ma facette a’ figura d’ò strunzo pecchè lle ricette nò,

fermamente lle ricette:” A Milano o’ tengo o’fidanzato! “.

Al Liceo classico, un anno fui anche bocciato,

nu’ carogne e’ maesto insisteva che io avevo copiato il temo;

se trattava e’  Giovanni Verga, o’ scrittore mio preferito: 

lo mandai a quel paese…Me rispunnette “ Ce la cedremo!!!”  

Ma che vulite fa, sono gli incerti del mestiero: 

tu parli e parli, ma sarebbe meglio ca’ te stissi zitto. 

Spisso e’ chiacchiere nun servono proprio a’ niente:

servono sule a’ ffa’ bbrucià ‘o zuffritto!!!

L’AMICI

 L’amici miei so’ ggente assai importanti,

forse pe’  l’ati nò, ma nun me ne fotte,

io e’ voglio bbene a’ tutti quanti,

e a’ casa  mia pe’ lloro è sempe chiena a’ votte.

 Vuje che vvulite a’ me, so’ sempe contento,

ca’ tengo dduje o trecento amici anche lontani,

nun ‘nge canuscimmo, nun ‘nge verimmo mai,

songo cient’anni ca’ nun ‘nge strignimmo e’ mmani.

Eppure e’ voglio benne a tutti quanti,

e in verità pure lloro vonno bene a me,

nuje ce volummo bbene a vicenza,

e mai senza sape’ o’ pecche’.

Na’ vota, ca’ stietti dduje juorno dint’ò spitale,

s’appresentarono dint’à stanza

cchiù e’ cinquanta amici preoccupati,

e fu’ per me un farmaco  ‘sta costanza.

 Sentenne a’ voce e tanta ggente

s’appresentava e’ corza a’ capa e’ pezza,

cu’ nu’ bastone ‘mmano urlando a viva voce:

“ Si nun ve’ ne’ jate, mo’ ‘ngapo vo’ spezzo!”

Un’altra vorda, ca’ avietti aj’ a Milano,

e m’assentai ra’ casa mia pe’ tre jurni,

stango e’ mmuorto, cumm’ arrivai  a casa,

doppo tre ore me verietti tutti quanti attuorno.

 Io e’ voglio bene overamente a tutti quanti,

e quanto ci aunimmo a’ sera dintà taverna,

roppo ddoje ore e’ brinnese, aizato il gomito,

parimme addiventati  l’uommini re la caverna.

Salute a vvoi, amici miei carissimi,

il prossimo brinneso lo faccio in ginirale a tutti quanti,

picchè la summana scorza nu’ miereco zelluso,

m’ha ditto ca’ o’ cisto aggia tucca sulo ch’è guanti.

O’  MMAGNA’

Abbisogna magnà pe’ vivere e nò vivere pe’ magna’,

ma stu’ pruvverbio stupiro e critino,

l’ha scritto senza rubbio nu’ riccone

ca’ se puteva magnà  ‘a brioscia ogni matina.

Certamente nun era nato nella nobbila città partenopea,

certamente nun sapeva che vordì  ‘a famma,

nun era nato sotte e’ bombe e’ l’alleate,

quanno o’ llatte nun ho teneve manco a’ mamma.

Mo’ e’ piccerilli teneno o’ biberonno,

e’ vasette cu’  ‘o  cibbo prilibbato già condito,

e nnuje e’ tiempe nuoste si volevemo zucà

‘nge putevemo mettere mmocca sulo nu’ rito.

Propio  pe’ chesto o popolo napulitano

ch’è nnato ‘ntiempe e’ guerra ‘nzieme a mme

arricurdannese d’a famma c’ha sofferto

quanno s’assetta a tavola magna pe’ ttre!

Pure io, crerite a mme, ogni tanto

quanno m’assetto a tavula e trovo e’ vermiciello,

me vene na’ cosa e stomaco

e mme scordo ca’ songo Don Catiello!

Muglierema, a dicere la verità,

nun me fa’ mangà   niente dint’à cucina:

sule verdura cotta e sciapita,

cu’ dinta niente, mango a’ coscia e na’ gallina.

 “Il mmierico ha ritto c’hai  da’ magnà sule scarola,

verdura  scaurata, na’ verza o na’  lattuga,

‘na pera, ‘na mela annurca e n’arbicocca

si nnò al’autu munno farai la fuga.

Ma cumm’è possibile rimanè inzizzibbilo

‘nnanza ‘a nu’ ruoto chino e parmigiana,

na’ custatella cu’ na’ tiella e  friarielli

tante zucusi ca’ te mangiassi pure che mmani!

Ma c’aggia fa’, cchiù nun pozzo vevere e magnà,

ha ritto chiaramanete o miereco alla mia rorce metà,

ca’ si o’ marito  sta sempe dint’à cucina

nun passa assai tempo ca’ po’ pure schiattà !

Perciò nun m’invitate a casa vosta p’ò festino,

nun m’invitate a na’ festa e’ cummenione,

e manco a’ na’ festa e’ cumpare e cumpariello,

facitelo campà n’atu ppoco a don Catiello.